هيك بلشت عندي سنة ٢٠١١. في post للأشياء اللي بدي اعملها خلال السنة. يا ترى عملت اللي حكيت رح اعمله؟
بلشت السنة في مناقشة مشروع التخرج, بس شوووو من الاخر, تأنقنا (اهم اشي الكعب العالي!) ورحنا النقاش, وجبنا علامة محترمة (عليي الطلاق ما بعرف كيف!) بس الفصل اللي بعده النقاش زي العمى والعلامة زي العمى ورحت المناقشة بt-shirt للfacebook. مع هيك نجحنا وخلصنا من هالمشروع النكد. وهاد اول شي من الpost ما انعمل,انه ما عملنا launch لGuidizer.
بعد هيك في افتتاح Bazinga! "وجرينديزر انطلق" (حبينا نفيع بالاسم!) وهو كان بشبه الStartup Weekend, في ناس ما عجبهم "الولدنة" في الاسم وحكولنا بس تغيروه بنيجي! بس "جرينديزر" كان من احلى لحظات حياتي, واهلي كانوا كتير مبسوطين مني, حسيت حالي بعمل انجاز عظيم! واهم اشي اكتشفنا انه في روح انطربرونورية عند رهام!
للأسف هاد الوضع ما ضل كتير وما بقدر احكي غير R.I.P Bazinga! وكتير تعلمت من هاد التجربة وانشالله ما اعيد اخطائي في المستقبل (بس الله يعينني على ابو رجائي اللي كل ما اروح البيت بحب يعملي سيمفونية "فاشلة" وشوفي اختك "موظفة عريقة في سلطة النقد!" صار مقتنع تماما اني مصرف العيلة وفش مني أمل!)
وفي هاد السنة السحرية برضو بلشت اكتب blogs بسبب شخصية بوكيمونية, وشكوى طويلة عريضة قدمتها للعمادة في الجامعة. المهم انتهت متل ما بنتهي كل شي بهالبلد, بوااااسطة (الله يخليلنا الواسطات يا رب!) وازا بتحبوا تقرؤوا عنها ارجعوا لأول blogs كتبتهم.
بعد هيك صارت لحظة درامية جدا! بحياتي ما عصبت هالقد. كنت رح انجلط. حلفت يمين الا انعن اخته اللي عمل هيك! وما ضل في راسي عقل. وصرت احط تهديدات عالفيس بوك, وما حد راضي يعترف. يا ربي خدوا كل شي الا Google Pen! وكنت رح اروح فيها خلص. بس لقيته بالصدفة في شنتتي! (يسعدني شو كول!)
اللحظة التاريخية في هاد السنة كانت بس طلعنا رحلة مع نادي هندسة أنظمة الحاسوب في الجامعة. طلعت روحنا تطلعنا هالرحلة! متنا واحنا نحكي بدنا رحلة, وكانوا دايما زملاءنا الأعزاء يا مشغولين بالدراسة يا مشغولين بالدراسة. دايما فيه امتحانات ودايما فيه مشاريع ودايما فيه تسليم اشي! حتى بس الله يهديهم ويحكوا اه بدنا نطلع, بننطفس وما بطلعلنا تصاريح. (دفعة محظوظة يخزي العين!)
تيد اكس رام الله كان حدث خرافي, كان احلى event حضرته. تعرفت على كتير ناس بفهموا. وكتير ناس شايفين حالهم (بوصلوك بعد ما ما يوصلك أنفهم بربع ساعة من كتر التواضع!) وأكتر شي عجبني اللي حكاه "خالد السبعاوي" وكان كلامه عن الgeothermal مع انه ما الي علاقة في هاد الحكي كله, حبيت الطريقة اللي حكى فيها ووصللنا الفكرة.
بعد تيد اكس تغيرت علاقتي بكتير ناس, في صحاب بطلوا صحاب وفي ناس ما بعرفهم صاروا صحاب. يعني اولها الواحد بزعل وبتشتغل الصدمات العاطفية, وبتحكي ما تخيلت انه في ناس هيك ولييييييييش انا! وموسيقى حزينة ووضع دمار, وبتصير عبارة عن فلم دراما متنقل. (ما بتطول! يومين بتروح الحالة!)
هلأ خلينا في حفلة التخرج اللي عملوها النادي. شاركت فيها مع اني مش رح اتخرج! حكيت ما همه صاحباتي كلهم متخرجين خلينا نروح هالحفلة ما بصير علينا شي. الحلو في الموضوع انه من كتر ما احنا دفعة رائعة والعلاقات بينا سحرية, في ناس اكتشفت انهم دفعتي في حفلة التخرج! والله تخرجنا واحنا ما بنحكي مرحبا لبعض! (يعني همه تخرجوا مش انا بس مش موضوعنا!)
بحب حالي بس اتحدى حالي واعمل فيها انه بدي اتعلم اشياء خرافية, متل لما قررت اتعلم على الrollerskates ويا ريتني ما قررت! عجبت عحالي وكل يوم اصابة! ومع هيك ارجعلها بكل شجاعة (زي ما باين في الصورة!) يعني صرت اعرف شوي. بس هلأ من اهدافي لسنة ال٢٠١٢ اني اشتري roller skates واتعلم عليهم منيح (وداعا للتاكسي!)
Google Day في Bazinga كان يوم كتير لزيز وتعرفت فيه على Googlers كتير حبيتهم, جد Google بعرفوا كيف يختاروا الموظفين عندهم. ولأني كتير تسليت هاد اليوم رحت تاني يوم على الخليل (لحقت الGooglers! همه الstalkers اللي بعرفهم احسن مني؟!) وهناك بعد الevent طلعنا عالبلد ورحنا عالحرم الابراهيمي. الأواعي اللي لازم تدخل فيهم على الحرم حسسوني اني Batman وعشت الدور عالاخر!
بس للأسف ختمت اليوم في اني ضيعت جوالي, كان جوال رقم ٧ او ٨ مش متزكرة بالزبط. المشكلة مش هون, المشكلة بس ابو الشباب, راسم, يعرف ويعطيني محاضرة الساعة ونص تاعت "المسؤولية" (علقنا!)
أحلى شي صار في حياتي صار في هاد السنة. قدمت على برنامج Google Student Ambassador وانقبلت. ورحت على مصر لحتى اخد تدريب من جوجل. كان الأسبوع اللي مضيتو هناك خرافي والناس اللي تعرفت عليهم خرافيين. كنت اكبر وحدة فيهم! كنت الBoss! كنت AWESOME! مواهاهاهاهاهاهاها! (اوكي سقت فيها كتير!) أو كنت على رأي بابا: "مكملة مش عارفة تخلصي جامعة! فاشلة يابا يا حبيبتي!". كتيييير بشتاق لهديك الأيام وللصحاب اللي التقيت فيهم هناك! *موسيقى حزينة* (تينانانانانانانانانا تينانانانااااا) للأسف رحت مصر وما شفت الأهرامات.
كنت مكيفة على حالي انه رح يجيلي Mac بعد طول معاناة مع الlaptop القديم. بس اللي صار انه حضرتي بس طلبت الMac استقال ستيف جوبز الrole model بالنسبة الي!(ينعنننننننن هالحظ!) هاد الMac كان من فادي غندور من ارامكس, بني ادم كتير فظيع وبعمل اشياء خرافية واللي ما قابلوا, راح عليه كتير! عموما بعد ما وصلني الMac مات ستيف جوبز!(لا حول ولا قوة الا بالله!) كنت مقتنعة اني رح اصير اشي مهم في المستقبل واني رح اشوفه (جد ينعن هالحظ! اخ يا قلبييييي!) وبنفس السنة برضو ربحت iPad في سحب لجوال (ضايل iPhone نكمل الطقم!)
سافرت على اسبانيا بس كانت سفرة نكدة, كنت لسه تاركة Bazinga! وعايشة بدراما. فما كتير استمتعت بالسفرة. بس الevent اللي رحت عليه Campus Party كان مش طبيعي! أول ما دخلت المكان ضليت صافنة اسبووووووع. كل المكان كمبيوترات وLaptops واجهزة الكترونية واشياء خرافية. كله تكنولوجيا (بالزبط كان متل ما انا بتصور الجنة رح تكون!)
بس للاسف رحت على اسبانيا وما رحت قصر الحمرا. (بس زي ما بحكي المثل الاسباني, اوليييييييييي)
من المعاكسات الغريبة في هاد السنة كان شبين يخزي العين عليهم, لحقوني انا وصاحبتي من أول شارع ركب لاخره, وهمه يحكولنا "شربيني مية!" (الله ريتك تتشردق انت واياه. وقت نغاشتك!) المهم بتعرفش ايش تعمل مع هيك اشكال! انه بضلهم يفاجئوك!
بعد هيك تلقيت دعوة لحتى اشارك في الExpoTech واكون speaker في جلسة الIT education وطبعا ارائي كانت في الاغلب هجومية لاني بعتبر انه النظام التعليمي فيه اشياء كتير غلط ولازم تتصلح. كان فيه مجموعة من اساتزتي حاضرين, واحد فيهم خلاني موضوع محاضرة اله ومسح في كرامتي الأرض (على حسب ما سمعت) انه مين هاد اصلا لحتى تمثل الطلاب وعلى اي اساس. ومن هالحكي. (نفسي يحكوا هالحكي في وجهي لحتى اعرف ارد!) عموما تلقيت كمان دعوة لمؤتمر في الsilicon valley وانشالله اخد الفيزا. حكيت عن قصتي مع الفيزا في هاد الblog ازا بتحبوا تقرؤوا.
عملت اول Google Event في الجامعة بس كان دمار وولا اشي مشى زي ما خططتلوا. والأغراض اللي وصيت عليها ما وصلت وكان جد مأساوي بالنسبة الي وحسيت حالي أوباش! مع انه كان في ٢ من جوجل وكان برضو في founder من startup weekend وكانوا بني ادمين فظيعين وهداك اليوم كتير حلو. بس المشكلة ما صار الevent اللي خططتلوا! (ضليت احكي ambassador وسقت فيها لاخدت في حالي مقلب وانطفست الطفسة العاطلة!)
بحب حالي بس اتحدى حالي واعمل فيها انه بدي اتعلم اشياء خرافية, متل لما قررت اتعلم على الrollerskates ويا ريتني ما قررت! عجبت عحالي وكل يوم اصابة! ومع هيك ارجعلها بكل شجاعة (زي ما باين في الصورة!) يعني صرت اعرف شوي. بس هلأ من اهدافي لسنة ال٢٠١٢ اني اشتري roller skates واتعلم عليهم منيح (وداعا للتاكسي!)
Google Day في Bazinga كان يوم كتير لزيز وتعرفت فيه على Googlers كتير حبيتهم, جد Google بعرفوا كيف يختاروا الموظفين عندهم. ولأني كتير تسليت هاد اليوم رحت تاني يوم على الخليل (لحقت الGooglers! همه الstalkers اللي بعرفهم احسن مني؟!) وهناك بعد الevent طلعنا عالبلد ورحنا عالحرم الابراهيمي. الأواعي اللي لازم تدخل فيهم على الحرم حسسوني اني Batman وعشت الدور عالاخر!
بس للأسف ختمت اليوم في اني ضيعت جوالي, كان جوال رقم ٧ او ٨ مش متزكرة بالزبط. المشكلة مش هون, المشكلة بس ابو الشباب, راسم, يعرف ويعطيني محاضرة الساعة ونص تاعت "المسؤولية" (علقنا!)
أحلى شي صار في حياتي صار في هاد السنة. قدمت على برنامج Google Student Ambassador وانقبلت. ورحت على مصر لحتى اخد تدريب من جوجل. كان الأسبوع اللي مضيتو هناك خرافي والناس اللي تعرفت عليهم خرافيين. كنت اكبر وحدة فيهم! كنت الBoss! كنت AWESOME! مواهاهاهاهاهاهاها! (اوكي سقت فيها كتير!) أو كنت على رأي بابا: "مكملة مش عارفة تخلصي جامعة! فاشلة يابا يا حبيبتي!". كتيييير بشتاق لهديك الأيام وللصحاب اللي التقيت فيهم هناك! *موسيقى حزينة* (تينانانانانانانانانا تينانانانااااا) للأسف رحت مصر وما شفت الأهرامات.
كنت مكيفة على حالي انه رح يجيلي Mac بعد طول معاناة مع الlaptop القديم. بس اللي صار انه حضرتي بس طلبت الMac استقال ستيف جوبز الrole model بالنسبة الي!(ينعنننننننن هالحظ!) هاد الMac كان من فادي غندور من ارامكس, بني ادم كتير فظيع وبعمل اشياء خرافية واللي ما قابلوا, راح عليه كتير! عموما بعد ما وصلني الMac مات ستيف جوبز!(لا حول ولا قوة الا بالله!) كنت مقتنعة اني رح اصير اشي مهم في المستقبل واني رح اشوفه (جد ينعن هالحظ! اخ يا قلبييييي!) وبنفس السنة برضو ربحت iPad في سحب لجوال (ضايل iPhone نكمل الطقم!)
سافرت على اسبانيا بس كانت سفرة نكدة, كنت لسه تاركة Bazinga! وعايشة بدراما. فما كتير استمتعت بالسفرة. بس الevent اللي رحت عليه Campus Party كان مش طبيعي! أول ما دخلت المكان ضليت صافنة اسبووووووع. كل المكان كمبيوترات وLaptops واجهزة الكترونية واشياء خرافية. كله تكنولوجيا (بالزبط كان متل ما انا بتصور الجنة رح تكون!)
بس للاسف رحت على اسبانيا وما رحت قصر الحمرا. (بس زي ما بحكي المثل الاسباني, اوليييييييييي)
من المعاكسات الغريبة في هاد السنة كان شبين يخزي العين عليهم, لحقوني انا وصاحبتي من أول شارع ركب لاخره, وهمه يحكولنا "شربيني مية!" (الله ريتك تتشردق انت واياه. وقت نغاشتك!) المهم بتعرفش ايش تعمل مع هيك اشكال! انه بضلهم يفاجئوك!
بعد هيك تلقيت دعوة لحتى اشارك في الExpoTech واكون speaker في جلسة الIT education وطبعا ارائي كانت في الاغلب هجومية لاني بعتبر انه النظام التعليمي فيه اشياء كتير غلط ولازم تتصلح. كان فيه مجموعة من اساتزتي حاضرين, واحد فيهم خلاني موضوع محاضرة اله ومسح في كرامتي الأرض (على حسب ما سمعت) انه مين هاد اصلا لحتى تمثل الطلاب وعلى اي اساس. ومن هالحكي. (نفسي يحكوا هالحكي في وجهي لحتى اعرف ارد!) عموما تلقيت كمان دعوة لمؤتمر في الsilicon valley وانشالله اخد الفيزا. حكيت عن قصتي مع الفيزا في هاد الblog ازا بتحبوا تقرؤوا.
عملت اول Google Event في الجامعة بس كان دمار وولا اشي مشى زي ما خططتلوا. والأغراض اللي وصيت عليها ما وصلت وكان جد مأساوي بالنسبة الي وحسيت حالي أوباش! مع انه كان في ٢ من جوجل وكان برضو في founder من startup weekend وكانوا بني ادمين فظيعين وهداك اليوم كتير حلو. بس المشكلة ما صار الevent اللي خططتلوا! (ضليت احكي ambassador وسقت فيها لاخدت في حالي مقلب وانطفست الطفسة العاطلة!)
حاسة انه لازم هلأ احط اغنية السنة واللي ادمنت عليها بشكل رهيب, بتعدلي مزاجي شو ما كان, وصارت النشيد الوطني عنا في السكن! (اعتبروه فاصل اعلاني Diiiiii!)
في نهاية هاد السنة رجعنا تجمعنا انا ولميس ورهام في مكان واحد, ساكنين هلأ مع بعض. كنا صحاب من صف عاشر. بس للأسف زي ما بحكوها رفقاء سوء! اندلينا على crumbs وعلى الapple pie الخرافية اللي بعملوها وجبنا هالpie وعلى قعدة خلصناها, لحتى نكتشف بعدين انه اكلنا ٢ كيلو حلو على قعدة (الله يرضى علينا! سنة زمان بنبطل نفوت من الباب انشالله! ترقبوا الnew look في ال٢٠١٢!)
في شخص حكى معي في اخر فترة يعتذر عن مواقف بايخة عملها. بصراحة كنت كتييييييير لئيمة. بس بعدها حسيت شوي بالذنب, خصوصا بس حكى معي حد عأساس واسطة. بعدها حكيت يلا بنسمع ايش بده يحكي, بس حكالي:"I just want my friend back" ما عرفت الاقي اشي لئيم احكيه (يا ربيييي لييييش بتقطعني في أوقات زي هيك! بحب حالي وانا حنونة في المواقف الغلط!) يمكن انا كمان كنت مشتاقة لهاد الfriend! يا الله شو كان بينا شغلات مشتركة, وشو عملنا شغلات مع بعض! كان يطلع منا اشياء مفيدة مرات(الله يرحم!) احيانا في شغلات بموت ضحك عليها وبكون نفسي الاقي حد ينكش راس معي, عالفاضي! (بحس بس افرجيه لحد انه رح يحكيلي BEH!) كنت شوي رح ألين واعطيه فرصة عالأقل لنحكي, بس حكى معي شخص تاني, كان قريب منه هالفترة, واكتشفت انه كل اشي فكرته عنه صح. يا الله شو كان في بالي اكتب جريدة في هالمناسبة, بس حبيت اعمل رد درامي يلبق في السنة الدرامية ومواقف الدراما وخطر في بالي هالأغنية (مش قادر استطيع ان اغدر! D:)
في هاد السنة كانت اغلب الposts اللي حطيتها عالفيس بوك كئيبة جدا, وكنت حاسستها اسوأ سنة وعرفت فيها اسوأ ناس. بس مع اخر السنة صرت افكر غير وصارت نفسيتي غير. حسيت انه كل شي صار, وكل الناس اللي عرفتهم, بغض النظر مناح والا سيئين, الهم ايد بالطريق اللي انا ماشيتها ورح توصلني لمستقبل خرافي. ماخدة حياتي ببساطة, وحابة حياتي ببساطة :-)
السنة الجاي انشالله رح اعمل events خرافية في الجامعة. ورح اطلع على اميركا ويكون الTalk اللي رح اعمله خرافي. وامشي في حملة "let's clean the world" وتكون اشي خرافي. واتخرج من الجامعة الخرافية اللي انا فيها. وكمان اشياء رح اكتب عنها بعدين. سنة ال٢٠١٢ لازم تكون خرافية. كيف وليش ما بعرف. بس رح تكون خرافية! (ونصيحة خرافية, اقرؤوا كتاب warrior of light . ما بعرف شو اله علاقة في اللي عم بكتبه هوه بس الكتاب هاد خرافي ولازم تقرؤوه!)
عموما انا حبيت اعمل البوم لسنة ٢٠١١ توديعة, واظن كلكم لازم تعملوا هيك.
المشكلة رح اودع هاد السنة وفيه اشي مموتني وحارق قلبي ومدمرلي نفسيتي, انه هاد السنة خلصت ورهام لساها مقتنعة انه "البنطلون" اسمه "بلطلون"