مبارح كان يوم خرافي (هالمرة مع الفي!) وحسيت انه لازم اوثقه لانه والله كان عليي حظ من الاخر, زماااااااان عنّه! كإنه النحس تاعي طفش بره البلاد وتركني اتهنى شوي :-)
اول شي كان عليي تسليم مشروع لمادة وضليت في اجتماع للساعة ٨:٣٠ المسا او هيك شي وبس روحت ما عرفت كيف استشهدت دغري! وما عملت شي. فكرت اصحى بكير, بس راحت عليي نومة وصحيت ٩ ومحاضرتي عال١٠. رحت الجامعة ما في محاضرة (يسعد يسعد!) خلصت المشروع وسلمته ونزلت على اشي عاملته جوال عن ال social media
هناك ما خليت سؤال الا سألته (انا متأكدة كل جوال بتكرهني هلأ) وبعد ما خلص "معن" (نائب المدير العام) جواباته على الأسئلة (وكان اكيد بدعي عليي) صار سحب على 5 iPads. جابوا الاشي اللي فيه الورق وخلّوا "رواد" (my date for the occasion!) يسحب ورقة. ويطلع رقمي (ينعن عمري انا. ولكم ربحت) طبعا انا في كل هدوء حكيت انه رقمي (ما صرخت ولا حكيت YESSSSSS ولا ضليت نص ساعة احكي: ينعن ينعن ربحت iPad ولا اشي من هاد!) ومعن بحكي: لأ! جد انتي! طبعا عجبت عالدنيا اول مرة في حياتي بفوز في سحب, وبربح اشي محرز كمان!
بس خلص هاد الاشي تزكرت انه عندي امتحان ورحنا انا والبنات على كافيه, انا ادرس وهمه مش عارف شو يعملوا. ضلينا لاجى موعد شي عزمتني عليه صاحبتي (مهرجان اشي لصنع افلام اشي من اشي! مش متزكرة بالزبط) بغض النظر, رحت لانها هيه اللي كانت تقدم الاشي. أول مرة بحضر فعالية ما الها علاقة في التكنولوجيا. وأول مرة بروح على مكان فيه هالقد بنات!
صراحة, مع انه لميس ورهام سطحوا امي وهمه يبكوا! الا اني تسليت وكان يوما جميلا. وكان نفسي اوقف قدام كل القاعة واحكيلهم "I won an iPad SUCKERS!" لسبب مجهول مش عارفة ليش هيك كان جاي عبالي. كنت مبسوطة عالاخر. زماااااااااااااان عني وانا هيك! (والله لساها في نفسي!)
المهم انه انا كنت مقررة (less human interaction is better ) مع انه صرت اطلع اكتر بكتييييير من لما كنت اطلع قبل ما اقرر هاد الاشي الا انه انشالله الiPad تساعد على التطبيق :-)
احلى شي في الموضوع انه انا وصاحباتي كنا طالعين قبلها بيوم ورهام ضلتها تحكي عن الlaw of attraction ومش عارف ايش. فأنا بس روحت (قبل ما استشهد) تربعت عالتخت وصرت احكي: يا ربي جد ازا هاد البوكيمونة في من حكيها شوية منطق بدي ال iPad بكرة. يا ربي انا قبل هيك حكيتلك بدي Mac وفعلا هاد اللي صار بس هيّو بدو يروح, اعطيني ال iPad (تكون الي ما تروح متل الMac ) مشان وضعي العاطفي ما يتدهور! بدي iPaaaaaaaaaad.
كنت مفكرة انه خلص فش مني أمل وانه عملت ما يستحق انه ربنا يتخلى عني وما يسمعلي بس انه يمكن هاد Message from god او اشي. والحمد لله على كل اشي :-)
يااااااااارب خلي النحس بعيييييييييد وبعده عني اكتر واكتر. الله لا يرجعه يااااارب! بس للأسف دايما برجع!