الغلطة التي كشفت البرغي!

مع اخر Blog اللي نشرته اليوم الضهر بعنوان "برغي", اجت تعليقات جديدة (بعدها حزفت التعليقات وعملت Disable مشان اشوف هلأ شو الخطوة الجاي للإزعاج)

للأسف برغي ما بيّن, والكل بطالب بإعادة برغي, بس شكلو عنده موقف هالبرغي وحكى انه ما رح يرجع يعلق وفعلاً هاد اللي عمله. (والله كل شخصية بعملها فعلاً شخصية! وعايش الدور عالاخر! والله مفصوووم! بس مسكين لسه مش عارف الفلم وين! ما تخافوا جايتلكم بالحكي!)

هاد "I don't care" حب يثبتلي انه زلمة وما بخاف من حدا واسمه "عيسى عاصي" (اهلين عمّي. وأنا "سالي سمير". بس ما حداا يسألني مين سمير!) وانه سمّى حاله هيك مش خوف(لأ ولااااا مرة شو خوف! أصلا بس زلمة! يؤبرني شو رجّاااااااال!)  كان بس مشان يعرفني انه ما بهمه شي (طيّب هيني عرفت, وبعدين؟ بس لسه ما حكيتلي, انت كيف حالك؟)

"انا اسمي عيسى عاصي
وبالفعل ....i dont care
حطيت هذا العنوان مش خوف من ابراز اسمي ولكن مشان تعرفي وغيرك يعرف انه ما بهمني اشي
يا رشا بالنسبة للتربية...ما ضل الا تحكي حكي غير اخلاقي على الشباب بالنسبة ل تلعن اخت اخته
ما ضل غير تحكي كلام ثاني
حطيت حكيي بلكي على الله حسيتي انك غلطانة بحق حالك يمكن لسة في عندك بقايا وحبيت تحترمي حالك وتتعلمي الادب من جديد...
بالنسبة للدين انا يا ستي بمثل حالي بميل للدين ومش شرط اكون بمثل طائفة بحالها
ان شاء الله الحكي ياثر 
مع انه اسمعت لو ناديت حيا
لو انك بتفهمي ما بتنشري هالشي
مع تحياتي"

يا عمي انت مال أهلك أنا شو بدي أعمل في اللي بتعرضلي! ااااااااااه بديييي أنعن أخت أخته للي بطب ناحيتي! وفي احتمال أكتب فيها Blog كمان. يعني اللي بدوش حد يطب في اخته ليش بتحركش في بنات الناس! واللي مش عاجبه ما يطب ناحيتي. شو هالعالم هاد! صح راسي كبير, بس انت مخك كتيييير تخييين شو هاااااظ!

بعدين شو بالنسبة ل"ماضل تحكي غير كلام تاني" بدك تضلك ماسك هالجملة! أي غيّرلنا الاسطوانة زهقناها. انا اللي بدي احكيه حكيته, كل واحد بفهم عكيفه, وبس احكي الكلام التاني تعال راجع أهلي!

بس تعرف شو؟ ما ضل حد غيرك يعلمني الأدب ويربيني!(روح دوّر عليها بالمعجم الكلمة هاد, يا حبّة عين أمك شكلك مخربش في معناها!)

ييييييييييييييييييي ولك ييييييييييييي, شكلو راسي الكبير مأثر كتييييير على فهمي, لأنه شكلي والله العليم عم بنشر كلامك اللي علقته مع انه "لو بفهم ما بنشره"

وأصلا بس تحيّاتك! (ببعتلي تحيات هالI don't care طلع بفهم!)

بعدين اجت "aslanbsrasha" وحبّت تشارك بعد دقيقتين بس من تعليق "I don't care" (ولك يا اهبل خلّي بينهم وقت! بدّك أعلمك يعني!) وحكت جواهر يسعدها ربّها:

"اذا انا دافعت عن نفسي لا يعني انو لغتي تكون زبالة 

يعني الجمل الزبالة اللي بتكبها ما بتدل على قوة بتدل على اني جد مجلوطة ...:P .......................
بس يلا كل اناء بما فيه ينضح "

والله الموقف اللي كان زبالة مش اللغة! العتب عاللي بفهم ع كيف أهله!

بس يااااااااااااا الله كشفني! كيف عرف اني مجلوطة؟ طووووووول الليل وانا احلم ببراغي! وإني ألاقي مفك.. أبداً!

ولك طنيييييييب ع الله بلاها الأمثال اللي طلعت سنة ما سيدي تجوز ستي! (صح حكيتلك اكبر, بس ما كان قصدي لهالدرجة!)

بعد هيك بتيجي لحظة محرجة صراحة! لأنه كان يحاول يقنعني انه هدول الشخصيات اللي طلعت عفجأة وكلها مهتمة في القصة وكلها نفس الرأي عبارة عن اشخاص مختلفين (بس بعرفنييييش وأنا المحقق كونان!) المهم عمل غلط شنيع! حاول يصلحه بس عالفاضي!

هاد اجى علّق بحساب "I don't care" تعليق عمله "abu.elshabab.abu" وكان بالزبط نفسه (يعني كان عامل copy ويضل يحط نفس التعليق من حساب  "abu.elshabab.abu" ضله يحط نفس التعليق مرة بعد مرة بس غلط في وحدة فيهم وحطه من الحساب التاني اللي هوه "I don't care" ) وأول ما علّقه شكله انتبه عالسريع وراح مسحه. (الفلم ويييييين يا ترى؟) هاد حضرتي عاملة انه يوصلني ايميل بكل تعليق بنعمل على الBlog اللي الي. يعني مسحته والا ما مسحته. بعده عندي يا شاطر! (هيهيهيهيهيهووووووووو والله راسي الكبير اله فايدة شكلو)

المهم هاد التعليق فيه "sorry we are not as good in English as you .. our head size is much smaller "

هلأ جد بدّي اشتغل المحقق كونان. لاحظوا انه مستخدم في كلامه "we" و"our" شكلو عم يحكي باسم كل الشخصيات اللي في راسه, بداية من "علي حمودة" ل"عيسى عاصي" ل"abu.elshabab.abu" للي الله أعلم فيه.

تاني اشي ينعن ينعن شو راسي مغلبه, حاسة انو متل ما بيجيني كوابيس بالبراغي هوه بحلم في راسي! يا حسرتي عليك! بس تعرف شو اصلا بس راسي D: (والله اني بحبه يعني النا 23 سنة مع بعض عشرة عمر هدول!)

هلأ ما فيّو حد يعلّق على الBlog هون. بدي اشوف شو بده يطلع معك/معكم/معاكي/معكن اختار اللي بتحبه يا عيسى!