هلأ انا اللي مش قادرة افهمه او استوعبه, الناس ايش دخلهم ايش غيرهم بعملوا؟ يعني بدكم تستغيبوا استغيبوا خدوا راحتكم, اتسلوا وموتوا ضحك.او اعملوا فيها مصدوميين وضلكم احكوا ييييييييييي للصبح! بس ازا الاشي ما بمسكم ولا بأثر عليكم بطريقة مباشرة لا من قريب ولا من بعيد, فهموني مال أهلكم؟!
بتروح بتحكي مع حدا, او بتحكي شي لحدا, او بوصلوا اشي بطريقة معينة, وبكون ما اله دخل, ولا الو علاقة بالقصة, ويمكن كمان ما بعرف الاشخاص! بروح بعمل فيها انه الله خلقه مشان "يصلح" كل شي. بده يصلح الناس وتصرفاتهم و"اخطائهم".
انه ماشي, ازا بدك تعمل هيك, روح احكي مع الشخص المعني, وضلك تفلسف عليه للصبح, واعمل فيها ابو العريف. وانعن عريس اخته وانت تحكيله امثال. واسمع من مجرب, وعصفور بالايد وعالشجرة, وبابه من قزاز وزفت الطين, والقصص هاد كلها. بس انه ازا ما بده يسمع من امك, يجعل اهله لا سمع! بالاخر ازا صار شي هوه اللي بعكم مش حضرة جنابك!
اللي بستفزك انه بس حد يحط حد في باله, وقال شو ما هوه بعمل شي غلط وانا لازم اصلحه. ولك ميييييين انت اصلا؟ وليش مغلب حالك؟ وليش مفكر حالك عم بتصلح! وشو بتفرق معك, غلطوا والا عملوا صح! ينعن اخت هالشغلة! بروح بحاول في اي طريقة "يزبط" الموضوع. أحلى شي بس يقرر يحكي لأهل البوكيمون اللي بده "يصلحه ويهديه"! ولك ينعن ينعن! في روضة احنا! طيب ازا اللي قدامك كبير ومسؤول عن قراراته بغض النظر ايش هيه, صح ولا غلط (مع اني ما بقتنع في شي اسمه صح وغلط لاني بعتبره اشي نسبي بعتمد عالشخص نفسه) بتدخل اهله في الموضوع ليش! انت اصلا داخل في الموضوع ليش!
الأحلى انه حتى لو ما صدقوه (وهوه اللي عادة بصير لانه مش رح يوثق في الغريب وينسى قرايبه!) بدل ما ينضب وينقلع يلاقيله شغلة يلتهي فيها. بصير بده يعمل المستحيل مشان يثبت انه كلامه صح ويجيب دلائل واحداث, وبشتغل محقق ومحلل نفسي! وبحط حاله في مواقف باااااااااااايخة!!!
يا الهي شو الناس Awesome!