برغي!

هاد يا جماعة الخير, فيه بوكيمونات حبّوا يعيّدوا عليي في يوم المرأة ويشاركوني هده المناسبة العظيمة!

هاد بقدرة قادر وللصدفة العجيبة في 4 حسابات بأسماء مستعارة كتير لطيفة وحلوة حبّوا يعلقوا على الBlog اللي كتبته. بنفس الوقت واكتر من مرة, وواحد ورا التاني, وبنفس الطريقة, وبنفس الرأي. سبحان الله!

مسكين لازم حد يعلمه/يعلمهم/يعلمها انجليزي. الاسماء اللي مستخدمها: "I don't care" (بصراحة الاسم كتير كتير غامض وبده كتير تفكير مشان الواحد يعرف مين هاد!) والتاني "screw" (يا حسرتي عليه هاد اخرته "برغي" طيب والله انه اسم احلى من بوكيمون, ومن اليوم ورايح بس برغي!) و "abu.elshabab.abu" (انت كيف حالك؟)  و"aslan bs rasha" (عنجد اصلا بس انا) المهم انه هاد الحساب صار يحكي فيه باسمي على اساس انه انا. (يحيا الذكاء!)

رح أعرضلكم هلأ اجزاء من التعليقات اللي كتبها (واللي انا حزفتها! بس لسه عندي  screen shots منهم! في فولدر بوكيمون اللي عم بكبر كل شوي!) وانتوا احزروا من هذا البرغي!

هاد جزء من التعليقات اللطيفة ل"I don't care":

"العب والله مؤثرات صوت وصورة ههههههههه
كل الاحترام
شكله فش قارئ غيري"
(اه فش قارئ غيرك, الحمد لله انه اخيرا الله أكرمني بقرّاء :)

"رشا هتبئى نجمة الموسم وكل موسم
احنا معك وكل التقدير"

( والله ميلودي مشتغلة شغلها معه! المشكلة بسوقوا فيها الدين وبعطونا مواعظ ومش عارف شو. وشوف شو بطلع منهم بعدين! اي شفلك حدا يربيك, وبس تكبر يا شاطر تعال احكي معي!)

"بلشت اقرأ كلامك من الاخر

لحتى وصلت لهون
هههههههههههههه
تاكدت انه اللي بصير معك عقاب رباني
بنصحك تحتسبي لوجه الله
هههههههههههههههههه
عنجد حاسس معك واكيد لانه مفكرة انك صاحبة حق وصاحب الحق سلطان
شاعر بشعورك وبنفس الوقت بحيي هذا الشب اللي صابر عليكي لليوم
نصيحة من لرجل لمترجّل...اختصري واتركيكي من الهل" 

شكرا على النصيحة الأخوية استاز I don't care بس في جزء "نصيحة من رجل لمسترجل" مغلبني شوي. يعني هلأ ازا البنت بتدافع عن حالها وما بتكون ضعيفة قدام الناس صارت مسترجلة؟! بعدين ازا انت شايف حالك ضعيف قدامي مش معناه انه اللي قدامك مسترجل اظن انه معناه انه الجزء الأول من الجملة "نصيحة من رجل" لازمها تصحيح شوي (يا حسرتي عليها امك! شو جبتي يا ام فلان, جبت ولد! جابت ذكر يا حسرتي عليها, محسبة حالها عندها زلام, بالهاش انه في شهادة الميلاد بس!) خصوصي انه ما عندك الجرأة تكتب التعليقات باسمك الحقيقي (ينعن ابو الخوف ما احلاه) ازا بتحب استخدم اسم "علي حمودة" او واحد من اخوته المرة الجاية يعني بما انك تعودت عليه واحنا كمان اشتقناله والله زمان عنه!

"abu.elshabab.abu" تعليقاته ابيخ من اني احطها مشان ما تزهقوا من التفاهة بحطلكم كم واحد بس:

You have what is called "Rasha Cyndrom"
الك احلى تخت بمستشفى المجانين ببيت لحم اول ما تنجني ;) 

ياي في اشي تسمّى باسمي! اصلا بس رشا! راحت ايامك يا راجل يا ورا عمر سليمان! (يسعدلي اللي عنده خبرة بمستشفى المجانين وبده يحجزلي احلى تخت. اصلا بس انت. والله من غيرك ما بعرف شو بدي اسوي)

"You have the largest head i have ever seen"

هاد مشان ما حد يتغلب وهوه يدور عليي لحتى يعرف وين بروح وشو بحكي. يعني لتسهيل وظيفة الstalkers بس مش اكتر. (شفت ما احسنني! بس تعرف انه صدمتني بهاد الحقيقة المرّة, وقررت اشتري مراية مشان ما انصعق المرة الجاي بس حد يعلق على شكلي! مسكين الواحد بس ما يكون عنده اشي يعلق عليه! بصير يزت حكي بالهوا رايح جاي. اكبر يا شيخ!

"مشكلتك انو ما حدا شافك من ارضك .....الله اعلم ليش
بجوز لانو اصلا قصتك تافهة ..."

برضو تافهة! طيب انشالله بتصير في امك واختك تنشوف رح تضلها تافهة ولا لأ! (اه ما حدا شافني من ارضي اهئ اهئ ليش هيك قلبت عليي المواجع اهئ!)

استاز برغي "screw" كان حضوره خفيف لطيف بس تعليق واحد والسلام:

you know, I read this blog and I still don't see what's this huge problem that made you start a blog, is your life" really that empty that this is considered your biggest problem?!! my guess is that you could have tried to solve this problem quietly without turning it into a feminist cause which shows your true personality which is a narcissistic aggressive feminist control freak, those 20 minutes I wasted on reading this bullsh** I will never get back, so my advise to you is to do yourself a favor, do others a favor and at least write about something useful or don't write at all!! "

اكيد طبعاً حياتي من دونك فاااااااااااااااضية! (حاسسها دعاية شوربة كنور) ما صدقت حد ينطّلي يعملّي حركة. بعدين ما في حد فاهمني غيرك, يا أفهم محلل نفسي في البلد (مع انه جد لازم تتعلم انجليزي, بس مش موضوعنا!)  وشكرا كتير لأنك اخدت 20 دقيقة تقرأ الBlog (ينعن ينعن ما أبطأك!) مليت عليي حياتي بزيادة, وحسستني انه في ناس عم بتتابع اخباري وبتهتم فيي. (بس طنيب على الله تحكيلي مين هاد اللي ضربك على ايدك وحكالك تقرأ اللي كتبته! لأني حاسّاك تدمرت بعدها! ومش منيح لصحتك يا برغي!

بعدها "aslnbsrasha" (الي هوه المفروض بحكي على أساس انه انا )اخدت الساحة وخدلك تعليقات!(اقسم بالله عمري ما مرّ عليي حد أهبل من هيك, ينعن اخت الهبل شو هاااااااااظ! اخ لو بعرف اوصل لاهلك مشان حرام ما يضلوا ماخدين مقلب بحالهم ومفكرين حالهم مخلفين. يا حسرتي عليهم عندهم Bug في العيلة وهمّه ولا حاسّين. بس يا خوف قلبي تطلع كل العيلة هيك ويعملوا fatal error)

الأمورة الحلوة اللي اسمها "aslnbsrasha" تؤبريني ما ازكاكي, كانت اكتر شخص عّلق بس مش رح احطلكم كل شي لأنه في تشابه بالتعليقات اللي قبل (سبحان الله توارد الخواطر):

"انا بشكر الجميع لانو بشجعني وبقرا بلوغي خصوصا البوكيميون لانو بيطبعو كمان ;)

هسا شعرت بالاهتمام اللي الي سنين محرومة منو "

(I would like to thank my mom "ehe2 ehe2", my dad  "ehe2", and everyone "ehe2, ehe2,ehe2" who supported me in this  "waaaa3" والله حاسة اني باخد اوسكار.)

"للتوضيح

انا لما كتبت البلوغ كان قصدي جملة غير اللي طبعها البلوغ لما كتبت هاي الجملة(بس الرقابة حولتها للشكل اللي شفتوه)ينعن ينعن ...طبعا كلو بنم عن اخلاقي العالية وانوثتي المبهرة"لازم تدافعي عن حقك وتلعني اخت اخته للي بقرب ناحيتك! " 

بحياة امك مفكر انه حد يصدق اني انا اللي كاتبة هاد الحكي! طيب منيح انه في رقابة على الblogs. مشان الناس الحساسين متلك ما تنجرح مشاعرهم. بس مشاااااااان الله اكتب blog بالانجليزي او اكتب "مدونة" زكرتني بمنهاج الأحياء اللي اخدناه بصف عاشر يا شيخ! او يا اختي! مش عارف. لابقلك ال2 والله!

"طبعا انا بوعدكم اكتب اي شي بصير معي مع البوكيمون ...لانو حياتي فعلا فارغة ...فش فيها اشي
هو صحيح القصة انتهت من زمان ....بس مثل ما بحكي المثل "خير جليس بالزمان بلوغي" فبتسلى طول حياتي انو في حدا عبرني
aslan bs Ana "

يا الله كل شوي بزكرني انه حياتي فاضية, كل شوي بزكرني يا ربييييي :( I can not أستطيع ان اقدر. بس لشو الحكي والله اني صايرة حكيمة وبطلع معي حكم وأمثال من الاخر. اصلا بس خير جليس! استمرّي!

بعدها الحلوة رشا حبّت تحط اعلان زواج! (جد مفصووووم رسمي!) كان فيها مواصفات رائعة اكيد لازم يكون واحد منهم عن "my cute head!" بس احلى شي فيه:

"تقدس الحياة الزوجية وتبحث عن حدا (اي حدا)

حاليا انا رئيسية جمعية الدفاع عن حقوق المراءة(طبعا جميعنا معنسات اللي فيها"

والله الاشي الوحيد اللي عجبني في هاد الجملة هوه "معنسات" (يعني ولا بوكيمون بهيك افكار رح يقرب ناحيتي الحمد لله يااااااارب! ووووههووووو!) بس جد حسسني هاد التعليق انه انا اللي قعدت سنة ابعت لحدا انه مشان الله يحبني وهاد الحدا ما شالني من ارضي! (بس انت كيف حالك وانت حتى العربي مش عارف تكتبه! قال مراءة قال! ما بكفي انسطحنا بالانجليزي تاعك كمان العربي يا ربي! عموما هاد الانجليزي بهالطريقة هاد مارر علينا كتير وصار بصمة الك يعرّفنا مين انت!)

بعدين صارت رشا (اللي هيه على اعتبار انه انا) تنصح بحالها نصائح وتحط ملاحظات:

"Note to my self:

Sometimes some stuff can back fire at me 
and i can be himulated if i kept on insisting making something from nothing ... i would better get a life and get over that i have no story and it was my fault at the first place that i am making fun of people ... knowing that they can make fun of me and their word and jokes can be distributed instantly without any effor ... they just talk to their "friends" which i lack because i am a feminist control freak ... maybe if i tried to change my self people wouldnt hate me and they might respect me ! "

حكيتلي back fire at me! الصراحة ذبحتني هالكلمة! وبعدين كيف حالك وانت himulated؟ لشو الحكي اسلوبك في الكتابة رائع! والspelling أروع! بعدين قلتلي make fun of people يا روح امك ما ازكاك! انجرحت مشاعرك يا ابو مشاعر! والله طلعت انا الغلطانة بالقصة وانا اللي بتهبل عالناس؟ طيب عالأقل كان عندي screenshots من المسجات اللي انبعتتلي. اللي عنده اشي يطلعوا وبعدها بنتفاهم! هاد طبعا بس يصيروا الناس زلام كفاية ويبطلوا يتخبوا ويعلقوا بحسابات مش باسمهم!

اما بالنسبة لل"friends" اللي ما عندي اياهم! ف شو بدنا نعمل قضاء الله وقدره الله بعينني! يعني هايني عم بتسلى بس الناس يعبروني ويعلقوا على ال blog. ونصيحتك بمحلها اصلا موضة التغييرهيه اللي ماشية هاليومين بس شو اعمل "انا مش عارف اتغير"

واخر تعليق يسعده شو لزيز (طيب والله في كل التعليقات اللي صارت مبارح انك لاقيتلي شي اضحك عليه انا وصاحباتي, زمان عن هاد الشغلات وmaking fun of people):

"last note for my self :
If we didnt go to someplace no one would have ever told us to sign on anything ... and no one will be if i really accepted the fact that the problem is over and no one is printing anything .... 
I hope i will have a self respect and stop at this point before i get to a point "of no return" ,No one will know that comments is being wrote unless me(Rasha) says about them ... i should also know that i didnt invent the blogs and it can be easily created and distributed ... I wont delete any topic coz the Pokemon doesnt care about them ... but i should stop at this point !!!!
I hope i will have a great life with no hard feelings with anyone .... :) "

واااالله! " يعني ازا ما رحنا عالعمادة كان ما حد رح يطلب منا نوقع؟" (طيب ليش ما حكيتلي! ماشالله عليك حدق وبتلقطها عالطاير وانا متأكدة انه هاد الاستنتاج صار منك لحالك وما حد ساعدك فيه, يسعدك شو ذكي!) 

حكيتلي the problem is over and no one is printing anything .... طيب شو عرّفك انه بطّل حد يطبع الاشي وانه انتهت؟! (طيب خليها بدون تلميحات لتعرفنا مين انت, وخليني اعمل فيها المحقق كونان. لازم تخربها وتعطينا اشي مباشر يعرّفنا عليك! روووح يا شيخ الله يسامحك دايما مخرّب الوضع, من لمّا استخدمت "علي حمودة" لعند ما وصلت "رشا" يا حسرة قلبي حتى هاد مش فالح فيها! الله يعوّض! يلا مش مشكلة المرة الجاية انشالله بتزبط معك!)

get to a point "of no return" (والله بطلع منك!)

بس الحلو في الموضوع انه البوكيمون عجبه اسمه وصار معترف انه بوكيمون! وواضح فعلاً انه مش مهتم في اللي بكتبه. 

وشكله الحكي انه بدي اوقف كتابة الBlog اشاعات لانه شكلي كتبت كمان واحد!

الله يخليلنا البوكيمونات والبراغي اللي بتلهمنا للكتابة! وبحب طبعاً أشكر جامعة بيرزيت (مش بحكيلكم حاسة حالي بحفلة اوسكار) اللي بتشجع هيك مواهب وبتدعمهم بقراراتها الحلوة زيّها! Birzeit Got Talent!